Um okkum:

Salmon Proteins varð stovnað  í 2001 av alivinnuni  og øðrum í Føroyum, sum liður í  veterineravtaluni við ES.

Virksemi:

Endamálið hjá felagnum er at savna alt slógv frá alivinnuni í Føroyum saman á einum staði, og hagreiða hetta eftir galdandi krøvum frá myndugleikum og keyparum. Stýrast skal fram ímóti eini burðardyggari gangnýtslu av hesum tilfeingi, til gagns fyri vinnuna og umhvørvið.

Málsetningur:

Málsetningurin hjá felagnum er at fylgja øllum viðkomandi lógum og krøvum.

Virkið liggur á havnalagnum á Eiði. Slógvið ella súrløgan, sum virkið tekur ímóti, verður flutt við tangabilum frá alibrúkum og kryvjivirkjum runt landið, norður til Eiðis, og verður pumpað í lukkaðari skipan í goymslutangar á virkinum.

Sum liður í øktu alivinnuni og tørvinum á eini samlaðari loysn uppá avbjóðingina av sjúkum ella sjálvdeyðum fiski, tóku menn seg saman at stovna virkið, sum samlaði alt slógv og burturkast á einum staði. Hetta soleiðis at móttøka og víðari søla ella avhendan av vøruni hevur alt verið samlað á Eiði síðan 2002.